許認可・ビザ・補助金　全国対応　国内最大級の行政書士法人

「永住VISAဆိုတာ」 – 永住ビザ(အမြဲတမ်းနေထိုင်သူဗီဇာ)ဆိုတာ -တည်ငြိမ်လုံခြုံစေမယ့် အနာဂတ်ကိုဖန်တီးပေးမယ့်သော့ချက်ပဲဖြစ်ပါတယ်။

永住ビザ(အမြဲတမ်းနေထိုင်သူဗီဇာ)သည်ဂျပန်မှာ အချိန်ကြာမြင့်စွာနေထိုင်လိုတဲ့နိုင်ငံခြားသားများအတွက်တည်ငြိမ်‌သောအနာဂတ်ကိုဖန်တီးပေးနိုင်ပြီးအသစ်သစ်သောအခွင့်အလမ်းတွေကိုပေးစွမ်းနိုင်ပါတယ်။
永住ビザ(အမြဲတမ်းနေထိုင်သူဗီဇာ)သည် ပုံမှန်အလည်အပတ်ဗီဇာ၊ကျောင်းသားဗီဇာတို့နှင့်ကွာခြားပြီး ဗီဇာရပြီးပါက ဂျပန်တွင်နေထိုင်ခွင့်သက်တမ်းအကန့်အသတ်မရှိဘဲနေထိုင်နိုင်မှာပဲဖြစ်ပါတယ်။
　
ယခုဆောင်းပါးထဲတွင်永住ビザ(အမြဲတမ်းနေထိုင်သူဗီဇာ)နှင့်ပတ်သတ်ပြီးအရေးကြီးတဲ့အချက်အလက်များကိုအသေးစိတ်ရှင်းပြပေးသွားမှာပဲဖြစ်ပါတယ်။
အဓိကအားဖြင့်တော့အမြဲတမ်းနေထိုင်သူဗီဇာရယူခြင်းရဲ့ကောင်းကျိုးများ၊လျှောက်ထားဖို့လိုအပ်တဲ့အခြေအနေများ၊ စာရွက်စာတမ်းများအပြင်၊လက်ရှိနေထိုင်မှုအခြေအနေနှင့် လက်တွေ့နမူနာများပေါ်အခြေခံ၍ လျှောက်ထားရန်န်လိုအပ်သည့် အဓိကအချက်များကို မိတ်ဆက်ပေးပါမည်။
ဒါ့အပြင်အမြဲတမ်းနေထိုင်သူဗီဇာနှင့်ဂျပန်နိုင်ငံသားခံယူခြင်းတို့ရဲ့ခြားနားချက်များကိုလည်းရှင်းပြပေးသွားမှာဖြစ်ပါတယ်။
အနာဂတ်အတွက် ခြေတစ်လှမ်းလှမ်းဖို့ အတူတူ လေ့လာကြည့်ရအောင်။


※သတိပြုရန် ဤဆောင်းပါးသည် လက်ရှိဂျပန်တွင်နေထိုင်နေသောနိုင်ငံခြားသားများအတွက်ရည်ရွယ်ပါသည်။

မာတိကာ 

၁။ အမြဲတမ်းနေထိုင်ခွင့်ဗီဇာဆိုတာဘာလဲ။

အမြဲတမ်းနေထိုင်ခွင့်ဗီဇာသည် သင့်အား တစ်သက်တာလုံး ဂျပန်နိုင်ငံတွင် နေထိုင်ခွင့်ပြုသည့် နေထိုင်မှုအခြေအနေတစ်ခုဖြစ်သည်။
အမြဲတမ်းနေထိုင်ခွင့်ဗီဇာရရှိပြီးသည်နှင့် အခြားသောအထူးအခြေအနေများမရှိပါက ဗီဇာလျှောက်ထားရန်မလိုအပ်တော့ပါ။
(သို့သော် တရားဝင်သက်တမ်းသည် 7 နှစ်ဖြစ်သောကြောင့် သက်တမ်းကုန်ဆုံးသောအခါ လူဝင်မှုကြီးကြပ်ရေးဌာနတွင် သက်တမ်းတိုးရန် လိုအပ်ပါသည်။)

၂။ လျှောက်ထားခြင်းကို ဘယ်အချိန်မှာပြုလုပ်နိုင်ပါလဲ။

အချိန်မရွေး လျှောက်ထားနိုင်ပါသည်။

သို့သော် သင်လျှောက်ထားစဉ် လက်ရှိနေထိုင်မှုဗီဇာသက်တမ်းကုန်ဆုံးပါက သင်၏နေထိုင်မှုကာလကို သက်တမ်းတိုးရန် သီးခြားခွင့်ပြုချက်လျှောက်ထားရန် လိုအပ်မည်ဖြစ်သည်။
အမြဲတမ်းနေထိုင်ခွင့်နှင့် သင်၏နေထိုင်မှုသက်တမ်းတိုးခြင်းကို တစ်ချိန်တည်းတွင် လျှောက်ထားနိုင်သည်၊ ထို့ကြောင့် သင်၏နေထိုင်မှုသက်တမ်းမကုန်ဆုံးမီ သင်၏အမြဲတမ်းနေထိုင်ခွင့်လျှောက်လွှာစာရွက်စာတမ်းများကို ဖြည့်စွက်ပြီးပါက၊ တစ်ချိန်တည်းတွင် လျှောက်ထားခြင်းက ပိုကောင်းပါသည်။

ထို့အပြင်၊ သင်၏နေထိုင်မှုကာလကို သက်တမ်းတိုးရန် ခွင့်ပြုချက်လျှောက်ထားစဉ် အမြဲတမ်းနေထိုင်ခွင့် ရရှိပါက၊ သင်၏နေထိုင်မှုကာလကို သက်တမ်းတိုးရန် ခွင့်ပြုချက်လျှောက်ထားခြင်းလျှောက်လွှာကို သီးခြားပယ်ဖျက်ရန် မလိုအပ်ပါ။

၃။ အမြဲတမ်းနေထိုင်ခွင့်ဗီဇာရရှိခြင်း၏အားသာချက်များ

① နေထိုင်ခွင့်ကန့်သတ်ချက်များမရှိပါ။

အမြဲတမ်းနေထိုင်ခွင့်ရပြီးသည်နှင့်၊ သင်သည် သင်၏နေထိုင်မှုဗီဇာကို သက်တမ်းတိုးရန် မလိုအပ်တော့ပါ။

နေထိုင်မှုဗီဇာအခြေအနေတစ်ခုစီတွင် နေထိုင်ခွင့်ကာလတစ်ခုစီရှိပြီး နေထိုင်မှုသက်တမ်းမကုန်ဆုံးမီသက်တမ်းတိုးရန် လျှောက်ထားရမည်ဖြစ်သည်။
ဂျပန်နိုင်ငံတွင် အချိန်အကြာကြီးနေထိုင်လိုသော နိုင်ငံခြားသားများအတွက် သက်တမ်းတိုးခြင်းလုပ်ငန်းစဉ်တစ်ခုတည်းအတွက် အချိန်နှင့်ကြိုးစားအားထုတ်မှုများစွာလိုအပ်ပါသည်။
သို့သော်၊ သင်သည် အမြဲတမ်းနေထိုင်ခွင့် ရရှိသည်နှင့်၊ သင်သည် သင်၏နေထိုင်မှု ဗီဇာအခြေအနေကို သက်တမ်းတိုးရန် မလိုအပ်ပါ။
ပြည်နှင်ဒဏ် ပေးမခံရပါကဂျပန်မှာ ဆက်နေနိုင်တယ်။
(သို့သော်လည်း၊ သင်သည် သင်၏နေထိုင်ခွင့်ကတ်ကို ခုနစ်နှစ်တစ်ကြိမ် အသစ်လဲလှယ်ရန် လိုအပ်ပါသည်။)

②အလုပ်အကိုင်ကန့်သတ်ချက်များမရှိပါ။

သင့်တွင် အမြဲတမ်းနေထိုင်သူ ဗီဇာရှိပါက၊ အခြေခံအားဖြင့် သင်၏အလုပ်အကိုင်ကို လွတ်လပ်စွာရွေးချယ်ခွင့်ရှိသည်။

WORK VISAဖြင့် နေထိုင်သည့်သူများထံမှ ။
“ကျွန်တော့်ရဲ့အသက်မွေးဝမ်းကြောင်းတိုးတက်ဖို့အတွက် အလုပ်ပြောင်းချင်ပေမယ့် လက်ရှိဗီဇာနဲ့ လုပ်နိုင်တဲ့အလုပ်တွေဟာ ကန့်သတ်ချက်ရှိနေတာကြောင့် အခြားအလုပ်ကိုလည်းပြောင်းလို့မရပါဘူး”
“ကျွန်တော်က ဂျပန်မှာ ကုမ္ပဏီတစ်ခု လည်ပတ်ဖို့ စိတ်ဝင်စားပေမယ့် နေထိုင်မှု လုပ်ငန်း/စီမံခန့်ခွဲရေး ဗီဇာရနိုင်ဖို့ ခက်ခဲလွန်းပါတယ်။” ဆိုတာတွေကိုမကြာခဏ ကြားရလေ့ရှိသည်
အမြဲတမ်းနေထိုင်ခွင့် ရရှိပြီးသည်နှင့် အလုပ်တွင် ကန့်သတ်ချက်များ မရှိတော့ဘဲ လွတ်လပ်စွာ အလုပ်လုပ်နိုင်မည်ဖြစ်သည်။
ထို့အပြင်၊ ကုမ္ပဏီစီမံခန့်ခွဲမှုအတွက် အရင်းအနှီး သို့မဟုတ် ရုံးခန်းနေရာအပေါ် ကန့်သတ်ချက်မရှိသည့်အတွက် အခက်အခဲများကို လျော့နည်းစေသည်။

③မိသားစုဝင်များလည်းအမြဲတမ်းနေထိုင်ခွင့်လျှောက်ထားနိုင်လာမည်။

အမြဲတမ်းနေထိုင်ခွင့်ကို သင်ရရှိပြီးသည်နှင့် သင်သည် သင်၏နေထိုင်မှုဗီဇာ သက်တမ်းတိုးရန် မလိုအပ်တော့ပါ။
ပြည်နှင်ဒဏ်ပေးမခံရပါက ဂျပန်မှာ ဆက်နေနိုင်တယ်။
ထို့အပြင် အကယ်၍ သင်သည် ဂျပန်လူမျိုးနှင့်လက်ထပ်ပြီးအိမ်ထောင်ကွဲခြင်းသို့မဟုတ် အိမ်ထောင်ဖက် သေဆုံးသည့်အခြေအနေတွင် သင်သည်လက်ရှိအိမ်ထောင်ဖက်ဗီဇာဖြင့်နေထိုင်သူဖြစ်ပါက သင့်ဇာတိနိုင်ငံသို့ ပြန်ရမှာဖြစ်ပြီး အမြဲတမ်းနေထိုင်ခွင့် ရရှိထားပါက ဂျပန်နိုင်ငံတွင် ဆက်လက်နေထိုင်နိုင်မှာဖြစ်ပါသည်။

④ မိသားစုဝင်များအတွက် အလုပ်ကန့်သတ်ချက်များ ဖြေလျော့မည်။

အကယ်၍ သင်သည် WORK VISAကိုင်ဆောင်ထားပြီး သင့်အိမ်ထောင်ဖက် သို့မဟုတ် သားသမီးများကို ဂျပန်နိုင်ငံသို့ ခေါ်ဆောင်လိုပါက၊ မှီခိုဗီဇာကို ရယူရန် လိုအပ်ပါသည်။

မှီခိုဗီဇာအခြေအနေအရ အလုပ်လုပ်ရန်ခွင့်ပြုချက်ရယူရမည်ဖြစ်ပါတယ်။အလုပ်ချိန်သည် တစ်ပတ်လျှင် 28 နာရီအထိသာလုပ်နိုင်ပြီး အချိန်ပိုင်းအလုပ်သာ လုပ်နိုင်မှာဖြစ်ပါသည်။
အမြဲတမ်းနေထိုင်ခွင့်ရပြီးသည်နှင့် သင့်အိမ်ထောင်ဖက်သည် ၎င်း၏နေထိုင်မှုဗီဇာအခြေအနေကို “အမြဲတမ်းနေထိုင်သူ၏အိမ်ထောင်ဖက် ” အဖြစ်သို့ ပြောင်းလဲနိုင်မည်ဖြစ်ပြီး အလုပ်အပေါ်တွင် ကန့်သတ်ချက်များမရှိစေဘဲ၊ ၎င်းသည် ဂျပန်နိုင်ငံတွင် အလုပ်အတွက် ရွေးချယ်စရာများကို များစွာချဲ့ထွင်နိုင်မည်ဖြစ်သည်။

⑤လူမှုရေးယုံကြည်မှုရရှိရန် ပိုမိုလွယ်ကူသည်။

ဂျပန်နိုင်ငံတွင် ကာလကြာရှည်စွာနေထိုင်ရန် အခြေခံအုတ်မြစ်ရှိသူများအဖြစ် အသိအမှတ်ပြုခံရခြင်းကြောင့် စီးပွားရေးလုပ်ငန်းများအပါအဝင် လူမှုရေးဆိုင်ရာယုံကြည်မှုရရှိရန် ပိုမိုလွယ်ကူလာပါသည်။

အထူးသဖြင့် ဂျပန်တွင်နေထိုင်သော နိုင်ငံခြားသားများ၏ စိုးရိမ်မှုတစ်ခုမှာ “အိမ်ဝယ်ခြင်း” ဖြစ်သည်။
အိမ်ဝယ်တဲ့အခါအမြဲတမ်းနေထိုင်ခွင့် မရတဲ့သူတွေဟာနေထိုင်ခွင့်ကာလသက်တမ်းအပိုင်းအခြားရှိပြီး သူတို့ရဲ့ မွေးရပ်မြေကို ပြန်ရမှာဖြစ်သောကြောင့် ချေးငွေပြန်မဆပ်ဘဲ နိုင်ငံပြန်သွားနိုင်တဲ့အန္တရာယ်ရှိပါတယ်။ဒါကြောင့် ဘဏ်တွေကချေးငွေကိုမထုတ်ပေးတာများပါသည်။
ချေးငွေသည် နှစ်ရှည်ပြန်ဆပ်ရန် လိုအပ်သောကြောင့် ဘဏ်များသည် နိုင်ငံခြားသားများကို ငွေချေးရန် အခက်အခဲရှိနေပါသည်။
သို့သော် အမြဲတမ်းနေထိုင်ခွင့်ကို ရရှိခြင်းဖြင့် ချေ‌ငွေထုတ်ယူရန် ပိုမိုလွယ်ကူစေပါသည်။

※အခြားသောနေထိုင်ခွင့်ဗီဇာကိုင်ဆောင်ထားသူများ အမြဲတမ်းနေထိုင်ခွင့်ဗီဇာလျှောက်ထားခြင်းနှင့်ပတ်သတ်ပြီး

၄။ အမြဲတမ်းနေထိုင်ခွင့်ဗီဇာ လျှောက်ထားခြင်း လိုအပ်ချက်

အမြဲတမ်းနေထိုင်ခွင့်ဗီဇာ လျှောက်ထားရန်အတွက် အောက်ပါအချက်အလက်များနှင့်ပြည့်စုံရမှာဖြစ်ပါတယ်။

① ဂျပန်နိုင်ငံတွင် 10 နှစ် သို့မဟုတ် 10 နှစ်ထက်ပို၍ အဆက်မပြတ်နေထိုင်ခြင်း

10 နှစ် သို့မဟုတ် 10 နှစ်ထက်ပိုသော အဆက်မပြတ်နေထိုင်ခြင်းသည် ဆက်တိုက်နေထိုင်သောနှစ်
စ်များ၏ အရေအတွက်ဖြစ်ပြီးကြားထဲတွင် နေထိုင်ခြင်းမရှိပါက တွက်ချက်မှုကို အစမှ စတင်မည်ဖြစ်သည်။

（※အချို့ကိစ္စများတွင်၊ ဂျပန်တွင်10 နှစ်အောက်နေထိုင်သော်လည်း အမြဲတမ်းနေထိုင်ခွင့်ကိုခွင့်ပြုတာမျိုးရှိပါတယ်）

သင့်မှာ တရားဝင်နေထိုင်ခွင့်ရှိကိုရှိရပါမယ်။
10 နှစ်တာကာလတွင် ပညာသင်ကာလ သို့မဟုတ် နိုင်ငံရပ်ခြားတွင် ပညာသင်ကြားသည့်ကာလ ပါ၀င်ပါက 5 နှစ် သို့မဟုတ် ထို့ထက်ပို၍ အလုပ်လုပ်သည့်အခြေအနေဖြင့် နေထိုင်သူဖြစ်ရပါမည်။

② သင့်လက်ရှိနေထိုင်မှုဗီဇာ၏ ကာလသည် ကာလအရှည်ဆုံးဖြစ်ရမည်။

အမြဲတမ်းနေထိုင်ခွင့်ဗီဇာလျှောက်ထားရန်၊ အလုပ်ဗီဇာကဲ့သို့သော သင်၏နေထိုင်မှုအခြေအနေတွင် အရှည်ကြာဆုံးဗီဇာရှိရန် လိုအပ်ပါသည်။ဥပမာ WORK VISA ဖြစ်ပါက WORK VISA ရဲ့ သက်တမ်းအမြင့်ဆုံးဖြစ်သော သက်တမ်း၅နှစ်ကို ကိုင်ဆောင်ထားရမည်။
မူအရ၊ ကျောင်းသားဗီဇာဖြင့်လျှောက်ထားရန်ခက်ခဲသည်။

ဗီဇာလျှောက်ထားရန်လိုအပ်သော နေထိုင်မှုကာလကို၅နှစ်မှ ၃နှစ်သို့ပြောင်းလဲလက်ခံလာတာများလည်းရှိပါသည်။လိုအပ်သော နေထိုင်မှုကာလများသည်နောက်ပိုင်းတွင် ပြောင်းလဲနိုင်သည်။ သတင်းအချက်အလက်အသစ်များကိုကိုးကားရန်လိုအပ်ပါသည်။

③ ပြစ်မှုမှတ်တမ်းမရှိသူဖြစ်ရမည်။

လျှောက်ထားသူများသည် ယာဉ်ကြောချိုးဖောက်မှု သို့မဟုတ် ပြစ်မှုမှတ်တမ်းများ အပါအဝင် ဂျပန်နိုင်ငံတွင် နေထိုင်သည့်ကာလအတွင်း ပြစ်မှုမရှိသူဖြစ်ရမည်။
သို့သော် ချိုးဖောက်မှုတစ်ခုရှိခဲ့ပါက သင်သည် ပြစ်မှုကျူးလွန်ပြီးနောက်အချိန်အတိုင်းအတာတစ်ခုအထိ ထပ်မံပြစ်မှုကျူးလွန်မှုမရှိဘဲကောင်းမွန်စွာနေထိုင်ပါက၊ ခွင့်ပြုချက်ရနိုင်သည်။

④ လျှောက်ထားသူ၏ကိုယ်ပိုင်ပိုင်ဆိုင်မှု၊ အိမ်ထောင်ဖက် သို့မဟုတ် အခြားဆွေမျိုးများ၏ပိုင်ဆိုင်မှု၊ စသည်တို့ဖြင့်၊
အသက်မွေးဝမ်းကျောင်းပြုနိုင်ခြင်း

အခြားသူအတွက် ဝန်ထုပ်ဝန်ပိုးမဖြစ်ဘဲ ကိုယ့်ကိုယ်ပိုင် ပိုင်ဆိုင်မှုနဲ့ ၀င်ငွေကို သုံးပြီး တည်ငြိမ်တဲ့ ဘဝနေထိုင်နိုင်ဖို့ လိုအပ်ပါသည်။
အလုပ်အပြောင်းအလဲ သို့မဟုတ် အလုပ်မလျှောက်ထားမီ အခြားအကြောင်းများကြောင့် ယာယီဝင်ငွေ ကျဆင်းသွားပါက၊ သင်သည် ငွေကြေးအခြေအနေတည်ငြိမ်သောဘဝတစ်ခုကို ဦးဆောင်နိုင်မည်မဟုတ်ကြောင်း ဆုံးဖြတ်ခံရနိုင်ပါသည်။

※ဖော်ပြပါအချက်များမပြည့်စုံဘဲလျှောက်ထားပါကခွင့်ပြုချက်ရရှိရန်ခက်ခဲနိုင်ပါတယ် ・・・

၅။”အမြဲတမ်းနေထိုင်ခြင်း” နှင့် “နိုင်ငံသားခံယူခြင်း” အကြားကွာခြားချက်

＜လုပ်ထုံးလုပ်နည်းများအကြောင်း＞ 

အမြဲတမ်းနေထိုင်ခွင့်ဗီဇာကိုင်ဆောင်ထားသူများသည်နိုင်ငံခြားသားမှတ်ပုံတင်ခြင်းနှင့်နိုင်ငံပြန်လည်ဝင်ရောက်ခြင်းဆိုင်ရာလုပ်ထုံးလုပ်နည်းများကို လုပ်ဆောင်ရန် လိုအပ်သည်။

အကယ်၍သင်သည်နိုင်ငံသားခံယူထားသူဖြစ်လျှင်ဂျပန်လူမျိုးဖြစ်နေပြီဖြစ်သောကြောင့် နိုင်ငံခြားသားများနှင့်ပတ်သက်သည့်မည်သည့်လုပ်ထုံးလုပ်နည်းကိုမျှလုပ်ဆောင်ရန်မလိုအပ်ပါ။

＜မဲပေးပိုင်ခွင့်အကြောင်း＞

အမြဲတမ်းနေထိုင်ခွင့်ဗီဇာကိုင်ဆောင်သူများသည်နိုင်ငံခြားသားများဖြစ်သောကြောင့်မဲပေးပိုင်ခွင့်မရှိပါ။

အကယ်၍သင်သည်နိုင်ငံသားဖြစ်လျှင်ဂျပန်နိုင်ငံသားအဖြစ်မဲပေးပိုင်ခွင့်ရရှိမည်ဖြစ်ပြီးရွေးကောက်ပွဲတွင်မဲပေးနိုင်မည်ဖြစ်သည်။

＜မိမိနိုင်ငံကိုပြန်မည်ဆိုပါက＞

အမြဲတမ်းနေထိုင်ခွင့်ဗီဇာ ရှိသူတွေဟာ သူတို့ရဲ့ မွေးရပ်မြေကို ပြန်ဖို့ အထူးပြဿနာမရှိပါဘူး။

နိုင်ငံသားခံယူထားသူဖြစ်ပါကသင့်ဇာတိနိုင်ငံသို့ပြန်လာသောအခါတွင်သင်သည်ဂျပန်နိုင်ငံသားအဖြစ်လူဝင်မှုကြီးကြပ်ရေးဆိုင်ရာလုပ်ငန်းစဉ်များအတိုင်း လုပ်ဆောင်ရန်လိုအပ်မည်ဖြစ်သည်။

＜ဂျပန်နိုင်ငံမှထွက်ခွာခြင်းနှင့်ပတ်သတ်ပြီး＞

အမြဲတမ်းနေထိုင်ခွင့်ဗီဇာကိုင်ဆောင်ထားသူများသည်ဂျပန်နိုင်ငံရဲ့စည်းကမ်းချိုးဖောက်ပါက ၎င်းတို့၏မွေးရပ်မြေသို့ပြည်နှင်ဒဏ်ခံရနိုင်သည်။

ဂျပန်နိုင်ငံသားခံယူထားသူဖြစ်ပါကဂျပန်နိုင်ငံဥပဒေအရပြစ်ဒဏ်ခံယူရမည်ဖြစ်သည်။

６.အမြဲတမ်းနေထိုင်သူဗီဇာလျှောက်ထားရန်လိုအပ်သောစာရွက်စာတမ်းများ

လိုအပ်သောစာရွက်စာတမ်းများမှာအောက်ပါအတိုင်းဖြစ်ပါသည်။

အခြေအနေအပေါ် လိုက်ပြီးသောစာရွက်စာတမ်းများ အတောင်းခံရနိုင်ချေရှိပါသည်။

 ★2021ခုနှစ်အောက်တိုဘာလမှစပြီး အမြဲတမ်းနေထိုင်ခွင့်လျှောက်ထားရန်အတွက်နားလည်သိရှိကြောင်းစာလွှာကိုပါတင်ပြဖို့လိုအပ်လာပါသည်။

၇။ကျွန်ုပ်တို့၏ကုမ္ပဏီမှဆောင်ရွက်ပေးဖူးသောဗီဇာလျှောက်ခြင်းအခြေအနေများ

Case 1)အမြဲတမ်းနေထိုင်ခွင့်လျှောက်ထားရန်အတွက်စာရွက်စာတမ်းအများအပြားလိုအပ်ပါသလား။

・(အသက် 30)အရွယ်ကိုရီးယားအမျိုးသမီးမှတိုင်ပင်ဆွေးနွေးခြင်း။
・ဂျပန်လူမျိုးအမျိုးသားနှင့်လက်ထပ်ခဲ့သည်။
・လက်ထပ်ပြီးဂျပန်လာတာ ၃နှစ်ရှိပါပြီ။
・ဂျပန်လူမျိုးအိမ်ထောင်ဖက်ဗီဇာဖြင့်နေထိုင်နေပြီးဗီဇာသက်တမ်း၃နှစ်ရှိပါတယ်။
・ရှေ့လျှောက်လည်းခင်ပွန်းသည်နှင့်ဂျပန်တွင်ဆက်လက်နေထိုင်လိုသောကြောင့်အမြဲတမ်းနေထိုင်သူဗီဇာကိုလျှောက်ထားလိုပါတယ်။
・ခင်ပွန်းသည်သည်ကုန်သွယ်ရေးလုပ်ငန်းနှင့်ဆက်စပ်သောcompanyကိုဦးစီးဆောင်ရွက်နေပါသည်။
・ကျွန်မကတော့အိမ်ထောင်ရှင်မပါ။

法務省ဝက်ဘ်ဆိုဒ်တွင်လျှောက်လွှာတင်ရန်လိုအပ်သောစာရွက်စာတမ်းများကိုဖော်ပြထားပါသည်။
ဖော်ပြထားသောလိုအပ်သည့်စာရွက်စာတမ်းများသည်အနိမ့်ဆုံးလိုအပ်ချက်များဖြစ်ပြီး အခြားသောအချက်အလက်များထပ်မံတောင်းခံလာနိုင်တာမျိုးလည်းရှိနိုင်ပါသည်။
ဒီလိုမျိုးပြောတဲ့အခါ တစ်ချို့လူတွေက「ဒါဆိုလျှောက်လွှာမှာလိုအပ်ချက်မရှိအောင်စာရွက်စာတမ်းတွေအများကြီးပြင်ဆင်ထားရင်ရပြီမလား။」ဆိုပြီးပြောလာတာမျိုးတွေရှိပါတယ်။
သို့သော် ဗီဇာလျှောက်ထားရန်အတွက် အဓိကလိုအပ်တဲ့စာရွက်စာတမ်းတွေကိုထုတ်ပေးနိုင်ဖို့လိုအပ်ပါတယ်။

အမြဲတမ်းနေထိုင်ခွင့်ဗီဇာကိုလျှောက်ထားသည့်အခါတွင်သင်၏လက်ရှိဗီဇာနှင့်နေထိုင်မှုဘဝလုပ်ဆောင်ချက်များကိုထည့်သွင်းစဉ်းစားမည်ဖြစ်ပါသည်။
ဒီလိုမျိုးပဲ”ဂျပန်အိမ်ထောင်ဖက်”ဗီဇာကိစ္စတွင်လည်းအိမ်ထောင်ဖက်နှစ်ဦး၏လက်ရှိနှင့် အနာဂတ်ဆက်ဆံရေးနှင့်စီးပွားရေးအခြေအနေကိုစစ်ဆေးမည်ဖြစ်ပါသည်။

ဒီတစ်ခါတော့ဇနီးမောင်နှံနှစ်ယောက်လုံးကအိမ်ထောင်ရေးအဆင်ပြေသင့်မြတ်ကြတာမို့အိမ်ထောင်သက်တမ်းတိုတောင်းပေမယ့်လည်းထိုအရာကို အားနည်းချက်မဖြစ်စေရအောင်အိမ်ထောင်မပြုခင်သူတို့ရဲ့အချစ်ရေးရာဇဝင်နဲ့သူတို့ရဲ့လက်ရှိနေထိုင်မှုအခြေအနေတွေအပါအဝင်အဓိကအချက်တွေကိုသေချာရှင်းပြထားပါတယ်။
လျှောက်ထားသည့်စာရွက်စာတမ်းများသည်သတ်မှတ်ထားသည့်စာရွက်စာတမ်းများနှင့်အပိုစာရွက်စာတမ်းအနည်းငယ်မျှသာဖြစ်ပြီးရိုးရှင်းသော်လည်း အခြားအပိုစာရွက်စာတမ်းများအတွက်ထပ်မံတောင်းခံခြင်းမရှိဘဲအဆင်ပြေချောမွေ့စွာခွင့်ပြုပေးခဲ့ပါသည်။

ထင်ထားတာထက်ပိုစောပြီးဗီဇာခွင့်ပြုချက်ရလို့အရမ်းပျော်တယ်။ ကျေးဇူးအများကြီးတင်ပါတယ်။ ဂျပန်မှာကျွန်မခင်ပွန်းနဲ့အတူပျော်ရွှင်စွာနေထိုင်သွားပါမယ်။

Case 2)ကျွန်တော်နိုင်ငံခြားမှာတစ်နှစ်ခွဲလောက်အလုပ်ကိစ္စနဲ့သွားရောက်နေထိုင်ခဲ့တယ်။အမြဲတမ်း နေထိုင်ခွင့်ရနိုင်ပါ့မလား။

・အသက်(၃၀)အရွယ်တရုတ်လူမျိုးအမျိုးသားတစ်ဦးထံမှဆွေးနွေးတိုင်ပင်ခြင်း။
・ကျွန်တော်ဂျပန်ကိုရောက်တာ12နှစ်ရှိပါပြီ။
・တက္ကသိုလ်ဘွဲ့ရပြီးနောက်ဂျပန်အိုင်တီကုမ္ပဏီတစ်ခုတွင်အလုပ်ရခဲ့သည်။
・ဗီဇာကိုလက်ရှိWORK VISAသို့ပြောင်းလဲလိုက်သည်မှာ8နှစ်ရှိပြီဖြစ်သည်။
・လွန်ခဲ့တဲ့8လအထိကျွန်တော်ဟာတရုတ်နိုင်ငံရှိလုပ်ငန်းခွဲတစ်ခုမှာတစ်နှစ်ခွဲခန့်အလုပ်လုပ်ခဲ့ပါတယ်။

အမြဲတမ်းနေထိုင်ခွင့်လျှောက်ထားခြင်းအတွက်လိုအပ်ချက်တစ်ခုမှာ「ဂျပန်တွင်အဆက်မပြတ်နေထိုင်ခြင်း」ဖြစ်သည်။
အကယ်၍သင်သည်ဂျပန်နိုင်ငံမှ3လဆက်တိုက်အထက်ထွက်ခွာပါကသို့မဟုတ်စုစုပေါင်း နှစ်ဝက်ကျော်ပါကအမြဲတမ်းနေထိုင်ခွင့်လျှောက်လွှာတွင်သင့်အပေါ်သက်ရောက်မှုရှိမည်ဖြစ်သည်။

သို့ရာတွင်စီရင်ချက်သည်အလုံးစုံလိုအပ်ချက်များအပေါ်အခြေခံမည်ဖြစ်သောကြောင့်သင်၏အမြဲတမ်းနေထိုင်ခွင့်လျှောက်လွှာအတွက် အကျိုးရှိနိုင်စေမည့်စာရွက်စာတမ်းများကိုပူးတွဲတင်ပြပါကအခွင့်အလမ်းကောင်းရှိပါသည်။

ဒီတစ်ကြိမ်မှာလျှောက်ထားသူထံတောင်းခံခဲ့တာကကုမ္ပဏီရဲ့ထောက်ခံစာပါ။ကျွန်ုပ်တို့သည်ထောက်ခံစာအဆိုပြုချက်တစ်စောင်ကိုဖန်တီးခဲ့ပြီးလျှောက်ထားသူရဲ့ကုမ္ပဏီထံမှသဘောတူခွင့်ကိုရယူခဲ့ပါသည်။
တရုတ်နိုင်ငံရှိပရောဂျက်တစ်ခုသည်လျှောက်ထားသူ၏အကူအညီကိုလိုအပ်ကြောင်းရှင်းလင်းဖော်ပြခဲ့ပြီးအမြဲတမ်းနေထိုင်ခွင့်ကိုရရှိခဲ့သည်။

ကျွန်တော်ဂျပန်မှာတစ်နှစ်ခွဲလောက်မရှိခဲ့တဲ့အတွက်အမြဲတမ်းနေထိုင်ခွင့်ရနိုင်မယ်လို့မထင်ခဲ့မိဘူး။

サポート行政書士法人မှကူညီဆောင်ရွက်ပေးသူများအားလုံးကိုကျေးဇူးအထူးတင်ရှိပါတယ်။

Case 3) နိုင်ငံရပ်ခြားသို့အလုပ်ကိစ္စခရီးရှည်များစွာထွက်ခဲ့ရသော်လည်းအမြဲတမ်းနေထိုင်ခွင့်ကို ရရှိခဲ့ပါသည်။

<・(အသက် 30)အရွယ်ကိုရီးယားလူမျိုးအမျိုးသားမှဆွေးနွေးတိုင်ပင်ခြင်း။
・လွန်ခဲ့တဲ့10နှစ်ကကျွန်တော်နိုင်ငံခြားမှာကျောင်းတက်ဖို့ဂျပန်ကိုလာခဲ့တယ်။
・တက္ကသိုလ်ဘွဲ့ရပြီးနောက်ဂျပန်ကုမ္ပဏီတစ်ခုတွင်အလုပ်ဝင်ခဲ့သည်မှာငါးနှစ်ကျော်သွားခဲ့ပြီဖြစ်သည်။
・လက်ရှိWORK VISA သက်တမ်းသုံးနှစ်ကို ကိုင်ဆောင်ထားပါသည်။
・အလုပ်ကြောင့်နှစ်ဝက်လောက်နိုင်ငံခြားကိုအလုပ်ခရီးထွက်ခဲ့တယ်။
・ဂျပန်အမျိုးသမီးနဲ့လက်ထပ်ပြီးဂျပန်နိုင်ငံမှာအလုပ်ဆက်လုပ်ချင်တယ်၊ဒါကြောင့်အမြဲတမ်းနေထိုင်ခွင့်ကိုလိုချင်ပါတယ်။

အမြဲတမ်းနေထိုင်ခွင့် ရရှိရေး၏ အဓိကအားသာချက်ကတော့ဂျပန်နိုင်ငံတွင်တည်ငြိမ်သောဘဝနေထိုင်ခွင့်ရရှိနိုင်ခြင်းဖြစ်ပါသည်။
ဤကိစ္စတွင်လျှောက်ထားသူသည်နိုင်ငံရပ်ခြားသို့အများကြီးခရီးသွားခဲ့ရသောကြောင့်လျှောက်ထားခြင်းကာလကိုရွှေ့ဖို့လည်းရွေးချယ်ချယ်နိုင်ပါတယ်။
သို့သော်လည်းလျှောက်ထားသူ၏အလုပ်အခြေအနေသည်ပြောင်းလဲသွားပြီးနောင်တွင်အလုပ်ဖြင့်ခရီးထွက်နိုင်ခြေနည်းသွားသောကြောင့်အခြားလိုအပ်ချက်များနှင့်ပြဿနာများမရှိဟု ယူဆနိုင်သောကြောင့်လျှောက်လွှာတင်ခဲ့ပါသည်။

လျှောက်ထားသည့်အခါတွင်ကာလရှည်ပြည်ပခရီးစဉ်နှင့် ပတ်သက်သည့် အခြေအနေများကို ဂရုတစိုက်ရှင်းပြရုံတင်မကဘဲလစ်ဟာချက်မရှိသောအကြောင်းပြချက်လျှောက်လွှာများကိုတင်သွင်းနိုင်လိုက်သောကြောင့် နှစ်ဝက်တည်းနဲ့အမြဲတမ်းနေထိုင်ခွင့် ခွင့်ပြုချက်ရရှိခဲ့ပါတယ်။

ကျွန်တော်ကိုယ်တိုင်လျှောက်ထားဖို့စိတ်ကူးထားပေမယ့်အလုပ်ရှုပ်ပြီးခက်ခဲမယ်လို့ထင်တဲ့အတွက်サポート行政書士法人တွင်အပ်နှံပြီးလျှောက်ထားဖို့ဆုံးဖြတ်ခဲ့ပါတယ်။ ကျွန်တော့်ကိုလိုအပ်သောစာရွက်စာတမ်းများနှင့်ပတ်သက်ပြီးသင့်လျော်တဲ့အကြံပေးညွှန်ကြားချက်များပေးခဲ့ပြီးကျွန်တော့်ရဲ့မေးခွန်းများအားလုံးကိုသေသေချာချာဖြေပေးသောကြောင့်စိတ်သက်သာရာရပါတယ်။
ကျွန်တော့်သူငယ်ချင်းတွေလည်းသူတို့ကိုယ်တိုင်လျှောက်ထားတာမျိုး၊အခြား行政書士တွေဆီမှာအပ်ပြီးလျှောက်ထားသူတွေရှိကြပေမယ့်တစ်ချိန်တည်းအတူတူလျှောက်ထားသူတွေထက်ပိုစောပြီးတေ့ာခွင့်ပြုချက်ရခဲ့ပါတယ်။ サポート行政書士法人မှာလျှောက်ထားမိလို့တော်သေးပါရဲ့ဆိုပြီး စိတ်ထဲကနေလည်းကျေးဇူးတင်နေမိပါတယ်။

၈။ သင်၏ဗီဇာလျှောက်ထားခြင်းကိုကျွမ်းကျင်သူများထံအပ်နှံကာအဆင်ပြေချောမွေ့စွာပြီးဆုံးစေလိုပါသလား။

ကျွန်ုပ်တို့၏ကုမ္ပဏီသည် Shinjuku၊ Akihabara၊ Nagoya နှင့်Osaka တို့တွင် ရုံးများရှိပြီးအတွေ့အကြုံရှိသောဝါရင့် ဗီဇာလျှောက်ထားခြင်းဆိုင်ရာအထူးကျွမ်းကျင်သူဝန်ထမ်းများမှလျှောက်ထားသူတစ်ဦးချင်းစီ၏ ဆွေးနွေးတိုင်ပင်မှုများကို လက်ခံဆွေးနွေးပေးနေပါတယ်။အမြဲတမ်းနေထိုင်ခွင့်ဗီဇာကို သင်ကိုယ်တိုင်လျှောက်ထားရန်၊ သက်တမ်းတိုးရန် သို့မဟုတ် ပြောင်းလဲရန် ခက်ခဲနေသည့်အခြေအနေများတွင်လည်းအတူတူဖြေရှင်းချက်ရှာဖွေပေးပြီး ပံ့ပိုးမှုများကိုလုပ်ဆောင်ပေးသွားပါမည်။　
အကယ်၍သင်သည်အမြဲတမ်းနေထိုင်ခွင့်ဗီဇာကိုလူဝင်မှုကြီးကြပ်ရေးဗျူရိုတွင်သင်ကိုယ်တိုင်လျှောက်ထားပြီးသင်၏လျှောက်ထားခြင်း ငြင်းပယ်ခံရပါကလည်းပြန်လည်လျှောက်ထားရန်ကျွန်ုပ်တို့ထံအပ်နှံနိုင်ပါတယ်။
ကျွန်ုပ်တို့တွင် ဂျပန်ဘာသာစကားအပြင်အခြားနိုင်ငံခြားဘာသာစကားပြောနိုင်သော ဝန်ထမ်းများလည်းရှိသောကြောင့် ဂျပန်ဘာသာဖြင့် တိုင်ပင်ရန်အခက်အခဲရှိသူများပင်အဆင်ပြေချောမွေ့စွာတိုင်ပင်ဆွေးနွေးနိုင်ပါတယ်။
အခြေအနေအမျိုးမျိုးကိုလိုက်ပြီးပြင်ဆင်ဆောင်ရွက်ခြင်းဖြင့် ပြဿနာများစွာကိုရှောင်ဖယ်နိုင်ပြီး ဂျပန်တွင်အဆင်ပြေချောမွေ့စွာနေထိုင်နိုင်ရေးအတွက် ပြင်ဆင်နေထိုင်နိုင်ရန်လည်း အကြံဉာဏ်များပေးပြီးကူညီဆောင်ရွက်ပေးနေပါသည်။
ဗီဇာအခက်အခဲများတိုင်ပင်ဆွေးနွေးလိုပါက ကျွန်ုပ်တို့ထံဆက်သွယ်လိုက်ပါ။